Ana zargin shugaban jam’iyyar PDP Uche Secondus da almundahanar naira biliayn 10

Sabon rikici ya kaure a jam’iyyar adawa ta PDP a Najeriya biyo bayan zargin da ake yiwa shugaban jam’iyyar Prince Uche Secondus da almundahanar naira biliyan goma kudaden da masu neman tsayawa takara a jam’iyyar suka bayar cikin shekaru hudu da suka gabata

Tuni dai daya daga cikin jagororin jam’iyyar ta PDP ya gurfanar da shugabancin jam’iyyar gaban hukumomin yaki da cin hanci da rashawa ta EFCC da ICPC.

Wanda ya shigar da karar shine Prince Kassim Afegbua wanda ya zargi jagorancin jam’iyyar karkashin jagorancin Uche Secondus da almundahanar naira biliyan goma wanda kudade ne da ‘ya’yan jam’iyar su ka biya don sayan form din takara daga shekarar 2017 zuwa bana

Sai dai yak e mai da martani kan zargin mai magana da yawun jam’iyyar ta PDP Kola Ologbondiyan ya bayyana zargin a matsayin zance marar tushe

A cewar Ologbondiyan jam’iyyar PDP ba ta samu wadannan kudade masu yawa da Prince Kassim Afegbua ya yi ikirari ba.