Ana zargin wani matashi da cakawa mahaifiyarsa wuƙa- Rundunar ‘yan sandan jihar Kano

Rundunar ‘yan sandan jihar Kano ta ce, tana neman wani matashi ruwa a jallo, wanda ake zarginsa da kashe mahaifiyarsa ta hanyar caka mata wuƙa a kanta da ƙirjinta da sauran sassan jiki wanda ya zamo sanadiyyar ajalinta.

A zantawarsa da Freedom Radio, mai magana da yawun ‘yan sanda SP Abdullahi Haruna Kiyawa, ya ce matashin mai shekara 22, ya ‘tsere bayan ya kashe mahaifiyar tasa mai shekara 50.

Latsa alamar Play domin sauraron muryarsa.