Anyi garkuwa da ‘yan wasa biyu a Firimiyar Najeriya

Rundunar ‘yan sandan jihar Ondo ta tabbatar da garkuwa da ‘yan wasa biyu dake wasa a gasar Firimiya ta kasa.

Rundunar ta ce a jiya lahadi ne wasu ‘yan bindiga da ba’akai ga gano ko suwaye ba sukai garkuwa da ‘yan wasan a kan titin garin Benin zuwa Akure.

‘yan wasan da masu garkuwar sukai garkuwa da su sun hadar da Dayo Ojo daga kungiyar kwallon kafa ta Eyimba da Iluyomade Benjamin daga Abia Coment.

Mai Magana da yawun rundunar ‘yan sandan jihar ta Ondo ASP Tee-Leo Ikoro ne ya tabbatar da hakan ga manema labarai a garin Akure.

Ya ce yanzu haka ‘yansanda sun dukufa wajen bincikar maharan da sukai garkuwa da ‘yan wasan.