ASUU ta bukaci da a taimakawa wadanda suka jikkata a zangar-zangar ENDSARS

Kungiyar malaman Jami’o’i ta kasa ASUU ta bukaci gwamnatin tarraya da ta taimakawa wadanda suka jikkata a zanga-zangar rushe ‘yan sanda ENDSARS.

Wannan na cikin wata sanarwa mai dauke da sa hannun shugaban kungiyar farfesa Biodun Ogynuemi.

Kungiyar ta ASUU ta kuma yi Allah wadai da harin da aka kaiwa matasan kasar nan a lokacin da suke gudanar da zanga-zangar neman rushe ‘yan sandan SARS.

A cewar sanarwar, harin da aka kaiwa matasan ba dai-dai ba ne kasancewar kundin tsarin mulkin Najeriya ya bai wa ‘yan kasa damar nuna fushin su ko bayyana bukatunsu ta hanyar zanga- zangar lumana.