Ba a taɓa Gwamnatin da ke yaƙi da matsalar tsaro kamar ta Buhari ba – Lai Muhammad

Ministan yada labarai Alhaji Lai Muhammad ya yi kurarin cewa inda ba don Buhari ne ya ke shugabantar Najeriya ba, da matsalar tsaron da ke fuskantar Najeriya ta fi haka taɓarɓarewa.

A hirar da yayi da manema labarai yau Laraba, Alhaji Lai Muhammad ya ce Buhari ya ɗauki harkar tsaro da muhimmanci shi yasa ma ya ke bada kulawa ta musamman ga hukumomin tsaron ƙasar.

Ya ce, babu wata gwamnati da aka yi a ƙasar da ta ke ɗaukar harkar tsaro da muhimmanci kamar gwamnatin Buhari.