Ba za mu lamunci sabon yunkurin tsunduma yajin aiki da ASUU ke yi ba – Gwamnatin tarayya

Gwamnatin tarayya ta yi watsi da sabuwar bazanar da kungiyar malaman jami’oi ta kasa (ASUU) ta yi da ke cewa, ko dai gwamnati ta biya ma ta bukatunta, ko ta tsunduma yajin aiki.

Wannan na zuwa ne watanni hudu bayan da kungiyar ta ASUU ta kawo karshen wani yajin aikin watanni goma da ta yi.

A cewar gwamnatin duk wata kungiya ta jami’a da za ta tsunduma yajin aiki yanzu za ta kara ta’azzara matsalolin da bangaren ilimi ke fuskanta ne.

Karamin ministan ilimi Chukwuemeka Nwajiuba ne ya bayyana haka yayin zantawa da jaridar Punch.