Ba za mu sanya dokar kulle a wannan lokaci ba -Buhari

Gwamnatin tarayya ta ce bata da shirin sanya dokar kulle duk da karuwar annobar corona da ake samu a kwanakin nan.

Ministan lafiya Dakta Osagie Ehanire yayin taron ministoci na mako -mako da ake gudanarwa a Abuja.

Dakta Osagie Ehanire, ya ce adadin masu kamuwa da cutar bai kai ace an sanya dokar kulle ba.

Wannan na zuwa ne adaidai lokacin da NCDC ta ce alkaluman wadanda suka kamu da cutar a ranar laraba sun kai mutum 790, adadin shi ne mafi yawa da aka samu cikin watanni shida.

NCDC ta ce cutar corona samfurin Delta ta fi saurin yaduwa da kuma saurin yin kisa.

Ehanire ya kuma ce ana sa ran za a fara kashi na biyu na rigakafin cutar samfurin Moderna a ranar Litinin mai zuwa.