Da ɗumi-ɗumi – Ƴan bindiga sun sako kwamishinan yaɗa labarai na jihar Neja

Kwmishinan yaɗa Labarai na jihar Neja da ƴan bindiga suka yi garkuwa da shi ya shaƙi iskar ƴanci.

Muhammad Sani Idris ya shafe kwanaki hudu a hannun ƴan bindigar bayan sace shi da suka yi har gida.

Da yammacin Alhamis ɗin nan ne kwamishinan ya kuɓuta daga hannun su kamar yadda shugaban karamar hukumar Tarfa Alhaji Ibrahim Mami ya bayyanawa Freedom Radio.

Ya kuma tabbatar da cewa, ba a biya kuɗin fansa domin sakin sa ba, sai dai tun a ranar da ƴan bindigar suka sace shi sun buƙaci a biya wasu kuɗaɗe kimanin miliyan ɗari biyar kafin su sake shi.

Yanzu haka dai an garzaya da kwamishinan zuwa asibiti don duba lafiyar sa.