Babban layin Lantarki na Najeriya ya sake faduwa

Ofishin kula da ke kula da babban layin wutar lantarki na kasar nan, ya ce layin ya sake sauka a yau Laraba da  misalin karfe 2 da minti tara na rana.

Ofishin ya bayyana hakan ne ta cikin wani sako da ya wallafa a shafinsa na X.

Haka kuma ya kara da cewa, tuni aka fara kokarin dawo da layin bakin aiki.

Rahotonni sun bayyana cewa, karo na goma sha biyu kenan a shekarar nan ta 2024 da muke ciki.

Sai dai Ofishin, ya nemi afuwar al’ummar kasar nan ya na mai cewa tuni aka dukufa don dawo da wutar.