Babu hujja cewa jami’an tsaron Najeriya sun kashe masu zanga-zangar ENDSARS – Amurka

Sashen kula da harkokin kasashen waje na Amurka ya ce babu wata kwa-kw-kwarar hujjar jami’an tsaron Najeriya sun kashe masu zanga-zangar ENDSARS a ranar 20 ga watan Oktoban bara a mashigar Leki dake Legas.

Bayanin hakan na cikin wani rahoto da sashen ya wallafa da hadin gwiwar hukumar kare hakkin bil’adama ta kasa da kasa.

Sai dai rahoton ya nuna karara, yanda jami’an tsaro suka ci zarafin masu zanga-zangar.

Itama babbar jami’a a ofishin jakadancin Birtaniya a Najeriya, Catriona Laing ta ce tabarbarewar da al’amuran tsaro sukayi a kasar nan, na zama wani abin damuwa ga Birtaniya.

Ta ce Birtaniya za ta taimakawa Najeriya wajen magance matsalar tsaron da kasar nan ke fuskanta.