Baiti United ta sayi ɗan wasa naira dubu bakwai

Ƙungiyar ƙwallon ƙafa ta Baiti United FC, dake karamar hukumar Dawakin Kudu ta kammala siyan ɗan wasa Habibu Nura , mai sunan laƙabi Surprise kan Kuɗi Naira Dubu Bakwai.

Habibu, ya cimma yarjejeniyar saka hannu kan Kwantiragi da Baiti United, bayan da ya bar tsohuwar ƙungiyar sa ta Benfica FC.

A wata sanarwa da jami’in hukumar kula da wasanni ta ƙaramar hukumar Dawakin Kudu (DAKUSDA) Abubakar Dawakin Kudu, ya aikewa da jaridar Duniyar wasanni , ta tabbatar da cewar an gudanar da cinikin ɗan wasan ne bisa jagorancin wakilin sa (Agent), da ya cimma yarjejeniya da ƙungiyoyin biyu a madadin ɗan wasan.

Kawo yanzu haka ɗan wasan ya cigaba da ɗaukar horo a sabuwar tawagar tashi don wakiltar ta, a gaba.
@⁨ATR⁩

👆