Bankuna za su riƙa yin aiki har rana Asabar domin karbar tsofaffin kudi- CBN

Babban bankin Najeriya CBN, ya ce bankuna za su riƙa yin aiki har ranakun Asabar domin karbar tsofaffin kudade daga hannun jama’a.

Kama Ukpai, da ya jagoranci tawagar bankin na CBN, zuwa Ebonyi, shi ne ya bayyana hakan a jiya Juma’a a yayin gangamin wayar da kan ‘yan kasuwar Eke, da ke Ebonyi.

Ukpai ya kuma shawarci jama’a da su kai tsofaffin takardun kudin banki saboda ba za a kara wa’adin ranar 31 ga watan Janairun da muke ciki ba wajen daina amfani da tsofaffin kuɗin.