Boko Haram: Buhari ya gana da shugaban kasar Chadi a Abuja

Shugaban kasa Muhammadu Buhari ya gana da takwaransa na kasar Chadi Idriss Derby a fadar Asorok da ke Abuja.

Rahotanni sun ce shugaban nin biyu za su tattauna ne kan matsalar tsaro musamman yaki da boko haram.

Bayanai sun tabbatar da cewa, ganawar karshe da shugaban nin biyu su ka yi kafin na yau, tun a watan yunin shekarar 2019 a yayin taron kungiyar kasashen musulmi na duniya a birnin Makkah da ke kasar Saudiya.

Ko a watan Afrilun shekarar 2019 shugaba Buhari, ya ziyarci birnin Ndjamena na kasar Chadi, inda ya halarci taron kungiyar kasashen yankin Sahel .