Buhari na ganawa da shugabannin tsaron ƙasar nan

Shugaban ƙasa Muhammadu Buhari na wata ganawa da shugabannin tsaron kasar nan a fadar sa da ke Villa a Abuja.

Rahotanni sun bayyana cewa shugaba Buhari zai saurari wasu bayanai kan sha’anin tsaro daga babban hafsan sojin kasar nan Janar Lucky Irabor da Sufeton yan sanda Usman Allƙali Baba da sauran shugabannin tsaro.

Cikin waɗanda suka halarci zaman sun haɗar da, ministan tsaro Manjo janar Bashir Salihi Magshi mai ritaya, da ministan shari’a Abubakar Malami, da mai kula da ayyukan yan sanda Maigari Dingyaɗi.

Sauran sun haɗa da ministan harkokin cikin gida, Rauf Aregbesola da kuma ministan harkokin ƙasashen waje Geaffrey Onyeama.

Ana sa ran ganawar ta su, za su yiwa shugaba Buhari bayani kan yanyin tsaron ƙasar a halin yanzu, kamar yadda mashawarcin sa Femi Adesina ya bayyana a shafin sa na Facebook.