Yanzu-yanzu Buhari na ganawar sirri da Goodluck

Shugaban kasa Muhammadu Buhari na wata ganawar sirri da tsohon shugaban kasar nan Goodluck Jonathan a fadar sa.

Rahotanni sun bayyana cewa har kawo yanzu ba a kai ga sanin batun da suka tattauna a tsakanin su ba, sai dai ana ganin ganawar ta su na da nasaba da batun sasanta rikicinn siyasa da ya dabaibaye kasar Mali.

Goodluck Jonathan dai daya ne daga cikin ‘yan gaba-gaba da ke kokarin ganin an kawo karshen rikicin siyasa da ya addabi kasar ta Mali.

Tun a baya dai shugabannin kasashen yammacin afrika suka shiga cikin rikicin na Mali don sasantawa, a wani mataki na inganta zaman lafiya.