Buhari na jagorantar taron majalisar zartarwa ta kasa

Shugaban kasa Muhammadu Buhari na jagorantar taron majalisar zartarwa na kasa a fadar sa ta kafar Internet wanda wannan shi ne karo na 13 tun bayan bular cutar Corona.

An dai fara taron ne da misalin karfe 10 na safe ya yin da mataimakin shugaban kasa Farfesa Yemi Osinbajo da sauran ministoci ke halata.

Daga cikin ministocin da aka ga fuskokin su a wajen taron akwai ministan shari’a kuma Antoni janaral na kasa Abubakar Malami da ministan yada labarai Alhaji Lai Mohammed da ta kudi Hajiya Zainab Shamsuna Ahmed da na ayyuka Babbatunde Fashola da ministan tama da mulmula karafa Olamikan Adegbite da kuma na babban birnin tarayya Abuja.