Buhari ya aikewa sarki Salman na Saudiyi addu’ar samun sauki

Shugaban kasa Muhammadu Buhari ya aikewa sarkin Salman Bin Abdulazizi na Saudiya addu’ar samun sauki cikin hanzari wanda aka kwantar a Asibiti.

Muhammadu Buhari ya ce a madadin gwamnati sa da ta ‘yan Najeriya yana yi wa Sarkin Salman addu’ar Allah ya tashi kafadon sa cikin sauri.

Sakon na kunshe ta cikin sanarwar da kakakin fadar shugaban kasa Malam Garba Shehu ya sanya wa hannu.

Ka zalika ta cikin sanarwar Buhari ya ce Sarki Salaman na daya daga cikin shugabanin duniya mutanen kirki da ya taba haduwa da su.

Labarai masu alaka : 

Buhari ya gana da Sarki Salman

Covid-19: Sarkin Saudiya ya killace kansa

Shugaban na Najeriya ya sake nanata cewar, Sarkin Salman abokin Najeriya ne na hakika wanda bai taba nuna gazawar sa ba a bangaren hadin kasashen guda biyu ba.