Buhari ya amince da daukan jami’an ‘yan sanda dubu 10 duk shekara-IG

Gwamnatin tarayya ta amince da daukar jami’an ‘yan-sanda dubu 10 kowacce shekara, domin ‘kara yawan jami an, da kuma ingantuwar tsaro a fadin kasar.

Babban sefeton ‘yan-sandan kasar Usman Alkali Baba ne, ya bayyana haka, ya yin da ya ziyarci gwamnan Jihar Jigawa Badaru Abubakar a gidan gwamnatin jihar dake Dutse a jiya Juma’a 03 ga Satumbar shekarar 2021.

Usman Alkali ya ce, daga yanzu duk wani jami’I da rundunar ta dauka, za’a mayar dashi karamar hukumar da ya fito bayan an bashi horo.

Ya ce a bana, sabin jami’an ‘yan sanda dubu 20 za’ a dauka, sakamakon rashin samun damar daukar dubu goman shekarar bara ta 2020.