Buhari ya ce a gobe Talata za’a kaddamar da shirin daukar ma’aikata

A  gobe talata ne gwamnatin Najeriya za ta kaddamar da shirin daukar ma’aikatan wucin gadi dubu dari 7 da 74 a fadin kasar.

Karo na 3 kenan ana dakatar da shirin.

A shafinsa na tuwita karamin Ministan Kwadago da samar da ayyuka na kasar Festus Keyamo,ya ce an kammala dukkan shirye-shirye na kaddamar da daukar ma’aikatan, kuma za’a dauki mutum dubu 1 a kowacce karamar hukuma dake kasar nan.

Za’a biya naira dubu 20 a matsayin alawus ga ma’aikatan wucin gadin a kowanne wata,  tsawon watanni 3 da za’ayi ana shirin.