Buhari ya gargadi ‘yan Najeriya da su guji yiwa kan su gwajin Corona

Gwamnatin tarayya ta shawarci al’ummar kasar nan da su guji yiwa kan su gwaji ko shan maganin Corona, ba tare da shawarar likitoci ba wanda hakan kan iya jawo musu ciwon Koda.

Babban Daraktan gudanar da Asibitocin gwamnatin tarayya, Dr Adebimpe Adebiyi, ne ya bayyana haka a wata tattaunawa da yayi da kamfanin dillacin labarai na kasa a birnin tarayya Abuja.

Adebimpe, ya kara dacewa labarai da suka karade kasar nan musamman ta kafafen sada zumunta na Zamani na nuni da cewar amfani da Citta da Ruwan zafi da gishiri, tare da shan ruwa mai yawa na maganin cutar ta Corona.

Jami’in yace rade radin zai jawo koma baya tare da haifar da matsaloli da dama ga lafiyar al’umma da yayi kiran jama’a da su guji yin hakan tare da neman shawarwarin kwararru a harkar lafiya da zarar sunji sauyi a jikin su.