Buhari ya isa ƙasar Faransa don ganawa da Macron

Shugaban ƙasa Muhammadu Buhari ya isa birnin Faris na ƙasar Faransa domin yin wata ganawa da shugaban ƙasar Emmanuel Macron.

Mataimakin shugaban kan harkokin yaɗa labarai Femi Adesina ne ya bayyana hakan a yau Talata ta cikin wata sanarwa.

Ya ce, shugaba Buhari zai yi ganawar kwana ɗaya da takwaran sa na Faransa, sai kuma ya halarci wani taro kan zaman lafiya a ranar Alhamis 11 ga watan Nuwamba na tsawon kwanaki 3.

A cewar sanarwar tawagar ta Buhari ta sauka a filin tashi da saukar jirage na Faransa da tsakar ranar Talata.