Buhari ya umarci gwamnan CBN Emefiele ya sauka daga muƙaminsa

Shugaban ƙasa Muhammadu Buhari ya bayar da umarni ga gwamnan babban bankin Najeriya CBN Godwin Emefiele ya sauka daga muqaminsa.

Baya ga gwamnan ma Buhari ya buƙaci wasu masu rike da muƙaman siyasa masu neman tsayawa takara a zaɓen 2023 suma su sauka daga muƙamansu.

An bayar da umarnin ne a wata sanarwa da sakataren gwamnatin tarayya Boss Mustapha ya fitar.

Umarnin ya jaddada cewa duk mai neman takarar kuma yana riƙe da mukamin siyasa to ya gaggauta ajiye muƙaminsa kafin ranar Litinin 16 ga Mayun 2022.