CBN ya fadada asusun tallafa wa masu kanana da matsakaitan sana’o’i

Babban Bankin kasa (CBN) na cigaba da samar da kudaden tallafa wa asusun kanana da matsakaitan masana’antu don habaka tattalin arzikin kasa.

CBN dai ya kaddamar da asusun ne na fiye da naira biliyan 200 don tallafawa masu kanana da matsakaitan masana’antu na kasar nan.

Babban Bankin ya ce, zai yi duk mai yiwuwa wajen tabbatar da cewa tallafin ya isa ga masana’antun da suka cancanta.

Kanana da matsakaitan masana’antu dai sune jigon samar da ayyukan yi a kasashe masu tasowa, kuma madogara ga kasuwanci a fadin duniya.