Cin hanci da rashawa: Haƙƙin kowa ne ya yaƙi matsalar da kansa – Barista Balarabe

Hukumar yaƙi da cin hanci da rashawa a Kano ta ce, haƙƙin kowa ne ya yaƙi matsalar cin hanci da rashawa a duk inda yake.

Shugaban hukumar Barista Mahmud Balarabe ne ya bayyana hakan a ranar Alhamis yayin wani tattaki da hukumar ta shirya a wani ɓangare na bikin ranar yaƙi da cin hanci da rashawa ta duniya.

Barista Mahmud ya ce, daƙile matsalar cin hanci da rashawa a ko’ina a faɗin duniya na samun nasara ne idan aka samu haɗin kan al’umma.

“A Kano Muna s nasarar yaƙi da matsalar cin hanci da rashawa, domin kuwa idan aka kwatanta da shekarar bara za a ga an samu rahuwar matsalar”.

Ya ce “Maƙasudin shirya irin wannan tattaki shi ne ƙara janyo hankalin al’umma kan sanin muhimmancin ranar da kuma kira a kan su zama jakadun yaƙi da cin hanci da rashawa a kowane mataki”.

Majalisar ɗinkin duniya ce ta ware duk ranar 9 ga watan Disambar kowacce shekara matsayin ranar yaƙi da cin hanci da rashawa da nufin nusashshe da al’umma illolin da cin hanci ke da shi.