Ƴan ta’adda sun kashe Kwamishinan kimiyya na jihar Katsina

Wasu ƴan ta’adda sun hallaka Kwamishinan Kimiyya da Fasaha na jihar Katsina.

Al’amarin ya faru ne a daren Larabar nan, inda maharan suka kutsa gidansa da ke rukunin gidaje na Fatima Shettima a Katsina.

Kwamishinan ƴan sandan jihar Sanusi Buba ya tabbatar da faruwar al’amarin.

Ya ce, yanzu haka an kama wasu da ake zargi da hannu wajen kisan marigayin.

Kwamishinan ya ce, suna ci gaba da gudanar da bincike a kan lamarin.

Jihar Katsina dai na cikin jihohin Arewacin ƙasar nan dake fama da hare-haren ƴan ta’adda.