Corona – An dakatar da fara rigakafin Corona zagaye na biyu

Gwamnatin tarayya ta dakatar da fara yin rigakafin cutar corona zagaye na biyu da ta shirya farawa a Talatar nan.

Kwamitin shugaban ƙasa mai yaƙi da cutar ne ya sanar da hakan, ta cikin wata sanarwa da mai magana da yawun kwamitin Mr Willie Bassey ya fitar a Abuja.

Kwamitin ya ce, an shirya fara yin rigakafin corona samfurin Moderna waddda ƙasar Amurka ta bai wa Najeriya, a ranar goma ga watan Agustan da muke ciki, don yaƙi da cutar.

Mr Willie Bassey ya ce, ɗage fara rigakafin ya faru ne sakamkon wasu matsaloli da aka samu, wanda a yanzu za afara rigakafin a ranar 16 ga watan Agusta.

Wannan dai na zuwa ne adaidai lokacin da yawan waɗanda suka kamu da cutar corona a Najeriya ya kai dubu ɗari da saba’in da bakwai, da ɗari shida da goma sha biyar.

Wadanda suka rasu sanadiyyar cutar sun kai dubu biyu da ɗari daya da tamanin da biyar.