Covid-19: Za mu fara rigakafi zagaye na 2 a ranar 10 ga Agusta – Buhari

Kwamitin shugaban Kasa mai yaƙi da cutar COVID-19 ya ce, za a fara rigakafin zagaye na biyu a ranar 10 ga watan Agusta.

Daraktan yada labarai na kwamitin, Mista Willie Bassey ne ya bayyana haka cikin wata sanarwa a Abuja.

Bassey ya ce, rigakafin zagaye na biyu, yunkuri ne na yakar cutar da ta barke a karo na uku.

Gwamnatin Amurka ce ta bayar da alluran rigakafin samfurin Moderna sama da miliyan hudu, tun a ranar 1 ga watan Agusta, da za a yiwa wadanda suka fara daga shekaru 18 zuwa sama.

Gwamnatin tarayya ta sanar da shirinta na yiwa mutane sama da miliyan 109 rigakafin cutar COVID-19 cikin shekaru biyu.