Connect with us

Kiwon Lafiya

Yadda Coronavirus ta samo asali – Dr, Bashir Getso

Published

on

Shugaban Kwalejin koyar da aikin tsafta ta Jihar Kano School of Hygiene Dakta Bashir Bala Getso, ya bayyana cewa cutar Corona ta samo asali ne daga haduwar wasu kwayoyin cututtuka masu raunana garkuwar jikin dan adam.

Dakta Bashir Bala Getso ya bayyana hakan ne jim kadan bayan kammala shirin Barka da Hantsi na nan tashar Freedom Radio, da ya tattauna kan yadda cutar ke kara yaduwa a kasar nan.

Ya ce cutar na farawa ne daga alamomin mura da sarkewar numfashi, sannan kuma idan har kwayar cutar ta fita daga jikin dan adam ta kan shafe tsawon mintuna talatin kafin ta mutu.

Dakta Bashir Bala Getso ya kara da cewa, cutar ba ta numfashi ake daukarta ba, tana kama dan adam ne ta hanyar taba wasu sassan jiki da hannun da ke dauke kwayoyin cutar.

Ya kuma daukar matakan kare yaduwar ne kadai zai taimaka wajen dakile ta, kamar yadda aka gani a kasar China.

Click to comment

You must be logged in to post a comment Login

Kiwon Lafiya

Wani mutum ya rasu bayan ya killace kansa a Kano

Published

on

Wani magidanci a unguwar Gwammaja dake nan Kano ya rasu, bayan ya killace kansa a gidan sa dake unguwar.

Magidanci da har izuwa yanzu ba a bayyana sunan sa ba, ya killace kansa ne tsawon kwanaki uku bayan ya dawo daga birnin tarayya Abuja.

Wakilin mu Abba Isah Muhammad ya rawaito mana cewa jami’an ma’aikatar lafiya ta jihar Kano sun hallara a unguwar ta gwammaja dauke da kayayyakin aiki na musamman domin bincike da daukar gawar.

Sai dai Kansilan lafiya na karamar hukumar Dala Ibrahim Garba ya shaidawa Freedom cewa, sakamakon bincike jami’an lafiya ke tsaka da gudanarwa a halin yanzu, nan una cewa mutuwarsa na da alaka da bugun zuciya.

Cikakken labarin zai zo muku a shirin Inda Ranka na yau da karfe 9:30 na dare

Karin labarai:

 An tantance mutane 46 a Kano kan Coronavirus

Covid19: Ana dab da kammala ginin cibiyar killacewa da Dangote ke ginawa a Kano

Continue Reading

Kiwon Lafiya

Covid-19: Musulmai za su yi azumi kan Coronavirus

Published

on

Kungiyar limaman addinin musulunci na jihar Ogun sun shirya gudanar da addu’o’I da yin azumi kan samun waraka daga cutar COVID-19 na kwanaki uku.

Azumin wanda kungiyar tace za’a fara daga gobe Talata a cewar babban sakataren kungiyar Imam Tajudeen Adewunmi.

Jaridar Daily Trust ta rawaito cewar, kungiyar wacce aka fi sani da Rabidah z ata yi amfani da kwanaki masu alfarma na watan Sha’abban don yin Azumin kasancewar an samu barkewar cutar ta Corona a jihar Ogun.

Allah madaukakin sarki ne yake son nuna ikon sa kan yadda cutar ke ruruwa kuma da karfin sa ne komai za’a sami sauki cikin yarda Allah, a cewar kungiyar.

Akan haka ne kungiyar ta yi addu’ar Allah ya kawo kare kasar nan daga Annobar.

Continue Reading

Kiwon Lafiya

Gwamnatin Kano ta fara feshin maganin cutar Covid-19

Published

on

Gwamnatin jihar Kano ta ce nan ba da jimawa ba za’a fara feshin maganin kashe kwayoyin cuta a Masallatai da Kasuwannin jihar Kano, inda ta ce dole ce ta sanya aka rufe hanyoyin shigowa jihar Kano ba wai son rai ba, kasancewar hakan na cikin hakan na cikin manyan hanyoyin hana shigowar cutar Covid-19 cikin kasar nan.

Kwamishinan yada labarai na jihar Kano, Kwamared Muhammad Garba ne ya bayyana hakan jim kadan bayan shirin barka na nan freedom radiyo wanda mayar da hankali kan yadda gwamnati ta bada dokar rufe hanyoyin shigowa jihar nan da dokar zata fara aiki da misalign 12 na daren yau.

Kwamishinan ya kuma kara da cewar, rufe iyakokin jihar nan ne kadai hanyar da za’a bi wajen hana shigowar cutar Corona kasancewar cudanya da juna na cikin manyan hanyoyin kamuwa da ita.

A nasa bangaran kwamishinan lafiya na jihar Kano, Dakta Kabiru Ibrahim Tsanyawa ya bayyana cewar gwamnatin tana gudanar da aikin Gyaran cibiyar kula da marasa lafiya ta ‘yar Gaya tare da kara inganta wasu daga cikin asibitici da kuma sanya kayayyakin kula da lafiyar a wani bangare na shirin ko ta kwana don yaki da cutar.

Kabiru Ibrahim Tsanyawa ya kuma bukaci al’umma da su kasance masu kula da tsaftar muhalin su tare da bin dokar da gwamnati ta gindaya, tare da bin shawarwarin likitoci da kuma kaucewa shiga cinkoson jama’a.

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 316,595 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!