Da ɗumi-ɗumi: An kama mawaƙi Malam Bashir Ɗandago

Hukumar tace fina-finai ta Kano ta cafke mawaƙin yabon nan Malam Bashir Ɗandago.

Shugaban hukumar Isma’ila Na’abba Afakalla ne ya bayyana hakan ga Freedom Radio.

Afakalla ya ce, an kama Ɗandago ne sakamakon wata waƙa da ya fitar ba bisa ƙa’ida ba.

A cewar sa, waƙar zata iya tunzura mutane, sannan ya yi gugar zana ga Malaman Kano kan dambarwar da ke tsakanin su da Malam Abduljabbar Kabara.