Da ɗumi-ɗumi: Buhari ya sauke Bashir Lado daga shugabancin hukumar NAPTIP

Shugaban ƙasa Muhammadu Buhari ya sauke shugaban hukumar yaƙi da safarar bil’adam ta ƙasa NAPTIP Bashir Garba Lado.

Sauke Garba Lado na zuwa ne watanni huɗu bayan naɗa shi a matsayin shugaban hukumar.

Wannan na cikin sanarwar da mataimaki na musamman ga shugaban ƙasa kan harkokin yaɗa labarai Malam Garba Shehu ya fitar.

Sanarwar ta ce, shugaba Buhari ya maye gurbin Garba Lado da Hajiya Fatima Waziri nan ta ke.

Kuma an naɗa Fatima biyo bayan yabawa da ministar jin ƙai Hajiya Sadiya Umar Faruk ta yi da ƙoƙarin ta.