Akwai yiwuwar ƙara sauke ministoci – Gwamnatin tarayya

Fadar shugaban ƙasa ta ce, akwai yiwuwa sake sauke wasu ministoci nan ba da dadewa ba.

Mai magana da yawun shugaban kasa Femi Adesina ne ya bayyana hakan jim kaɗan bayan kammala zaman majalisar zartarwa.

Adesina ya ce, akwai yiwuwar shugaban Buhari ya sake sallamar wasu daga cikin ministocin na sa.

Wannan na zuwa ne yayin da shugaban Muhammadu Buhari ya jagoranci majalisar zartarwa ta kasa karo na farko tun bayan da ya sallami minisitocin sa biyu.

Buhari ya ce, gwamnatin sa za ta ci gaba da bibiyar ayyukan da hukumomi ke aiwatarwa don gano matsalolin da suke ciki da kuma ɗaukan matak, a wani yunƙuri na kawo ci gaba a ƙasar nan.