Da ɗumi-ɗumi: Majalisar wakilai ta yi sammacin ƙungiyar ASUU da wasu ministoci

Majalisar wakilai ta ƙasa ta yi sammacin wasu ministoci biyu da shugaban ƙungiyar ASUU.

Kakakin majalisar Femi Gbajabiamila ne ya bada umarnin sammacin.

Ministocin da aka yi sammacin su sun haɗa da ministar kuɗi kasafi da tsare-tsare Zainab Ahmed da ministan Ilimi Adamu Adamu.

Majalisar ta kuma yi sammacin shugaban ƙungiyar Malaman Jami’o’i ta ƙasa Farfesa Emmanuel Osedeke.

Majalisar ta buƙaci dukkanin su da su gurfana a gabanta a ranar Alhamis 18 ga Nuwamban 2021 yayin zaman majalisar.

PUNCH