Da dumi-dumi : Ganduje ya kori kwamishinan ayyuka kan kalaman da ya yi

Gwamnan Abdullahi Ganduje ya kori kwamshinan ayyuaka da raya kasa na jihar Kano Injiniya Ma’azu Magaji nan take.

Wannan na kunshe cikin sanarwar da kwamishinan yada labarai na jihar Malam Muhammad Garba ya fitar a dazun nan  cewa gwamnan Abdullahi Umar Ganduje ya dauki matakin ne saboda kalaman da ya furta a shafun sa na Facebook da ya daganci rasuwar marigayi shugaban ma’aikatan fadar gwamnati Abba Kyari

A cewar sanarwar a matsayin sa na ma’aikacin gwamantin bai dace yana irin wadannan kalaman ba, kamata yayi ya girmama ofishin marigayin ba wai ya nuna rashin da’a ba.