Gwamnatin Jigawa ta mika sakon gaisu ga shugaba Buhari

Gwamnatin jihar Jigawa ta bayyana alhinin ta ga shugaban kasa Muhammadu Buhari bisa rasuwar shugaban ma’aikata na fadar shugaban kasa Malam Abba Kyari.
Gwamnatin jihar ta aike da sakon ta’aziyar ta ne a wata sanarwa mai dauke da sa hannun gwamnan jihar, Muhammad Badaru Abubakar.
Gwamnan ya ce”Marigayin ya sadaukar da rayuwar sa ne ga dukannin ma’aikata da al’umma baki daya, sakamakon burin say a ga an gina kasar nan baki daya. Kuma ina mika sakon ta’aziya ta ga iyalan sa da al’ummar jihar Borno bisa wannan rashin na sa da a ka yi”. Inji Badaru.