Dan wasan gaba na Manchester United Marcus Rashford ya tafi jinya.

Marcus Rashford ba zai samu buga wasu wasanni da Manchester United zata kara ba, sakamakon rauni da ya samu a cinyarsa.

United bata bayyana iya adadin lokacin da dan wasan mai shekaru 25 zai dauka yana jinyar ba.

Rashford, ya zura kwallaye 28 a kakar wasa ta bana a dukkanin wasan da ya wakilci Manchester United.

Manchester zata kara da Sevilla a gasar Turai ta Europa a wasan dab da kusa da na karshe a ranar Alhamis a filin wasa na Old Trafford.