ECOWAS ta baiwa Goodluck mukami

Kungiyar kasashen Afirka ta Yamma ECOWAS ta nada tsohon shugaban kasar nan Goodluck Ebele Jonathan a matsayin Jakada na musamman wanda zai sasanta rikici a kasar Mali.

Wannan na cikin wata Sanarwar mai dauke da sa hannun mataimakin kan harkokin yada labarai, Ikechukwu Eze.

A cewar sanarwar, an nada tsohon shugaban ne domin tattaunawa da bangarorin da ke rikici a Mali da zummar sasanta su don samar da zaman lafiya.

Ta cikin sanarwar, ana bukatar Jakadan na musamman ya gana da shugaba Ibrahim Boubacar Keita da kuma bangarorin ‘yan adawa da kungiyoyin fararen hula a ziyarar da zai kai kasar.

Jonathan ya godewa kungiyar da kuma shugaban Najeriya Muhammadu Buhari kan goyan bayan da ya bashi wajen bashi jirgin saman gwamnati da kuma duk abinda yake bukata domin samun nasarar aikin dake gaban sa.