Edo 2020: Za a cigaba da gasar kamar yadda aka tsara – Dare

Gwamnatin tarayya ta bada umarnin cigaba da gudanar da gasar kakar wasanni ta 2020 da a yanzu haka ake tsaka da aiwatarwa a jihar Edo.

Umarnin na zuwa ne jim kadan bayan da kwamitin shirya gasar na jihar ta Edo ya bayyana dakatar da gasar sakamakon rashin kudaden gudanarwa.

Mataimakin daraktan yadda labarai a ma’aikatar wasanni ta kasa Ramon Balogun ne ya bayyana matsayar gwamnatin tarayyar kan sha’anin gasar.

Balogun ya ce “Ma’aikatar ta tabbata da ce ana cigaba da gudanar da gasar kuma wasanni na tafiya kamar yadda aka tsara.”

‘Yan wasa dai sama da dubu takwas ne daga jihohin daban-daban a fadin kasar nan suke fafatawa a bikin kakar wasannin.