EFCC ta fara shirin gurfanar da Murja Ibrahim Kunya a Kotu

Hukumar yaki da cin hanci da rashawa ta EFCC, ta ce, ta shirye-shiryen gurfanar da Murja Ibrahim Kunya a gaban kotu bayan da ta sake cafke ta sakamakon tserewar da ta yi bayan da hukumar ta bayar da ita beli tun a watan Janairun bana.

Hukumar ta bayyana hakan ne ta cikin wata sanarwa da ta fitar a ya Litinin ta na mai cewa a baya ta bayar da Murja beli ne gabanin gurfanar da ita a gaban babbar kotun tarayya, amma sai ta tsere.

Haka kuma, sanarwar ta kara da cewa, tun a cikin watan Janairu ne hukumar ta kama Murja Kunya bisa zarginta da wulakanta takardun kudi, wanda hakan ya saba da dokar babban bankin kasa CBN.