Murja Kunya ta sake gurfana a gaban Kotu

Babbar kotun tarayya mai zamanta a Gyadi-gyadi karkashin jagorancin mai sharia Abdullahi Muhammad Liman ta yi umarnin a gabatar da murja Ibrahim kunya a gabanta.

Tunda farko lauyoyin murja ne suka shigar da kara suna karar hukumar Hisba da kwamishinan sharia na jahar kano da kuma kotun shariar muslinci ta PRP.

Lauyoyin Murja Kunya sun roki babbar kotun tarayya da a gabatar da murja a gaban kotun domin sun fahimci cewar anayi musu nuku-nuku.

Tun a baya kotun ta amince da rokon sai dai a zaman kotun na yau lautoyin gwamnati sun bayyana a gaban kotun ba tare da Murja ba.

Lauyoyinta sun bayyanawa kotun cewar lauyoyin gwamnati sun bijire wa umarnin kotun sai dai kotun tayi umarnin cewar a gabatar mata da murja cikin minti talatin.

Ya zuwa lokacin haɗa wannan rahoto dai Murja Ibrahim Kunya na cikin kotun sakamako bin umarnin kotun da lauyoyin gwamnati suka yi.