Farashin Fetur ya karye- IPMAN

Farashin Man Fetur ya karye a defo-defo din Nijeriya, a dai-dai lokacin da ake raɗe-raɗin karin farashin man zuwa naira 700 duk lita a wannan watan na Yuli.

Kungiyar dillalan Man fetur ta ta IPMAN ce ta tabbatar da karyewar farashin, inda ta ce ana bayar da shi naira dari hudu da wani abu sabanin sama da naira dari biyar kan duk lita ɗaya.

Shugaban kungiyar reshan arewacin Najeriya, Bashir Ahmed Dan Malam ya tabbatar wa da manema labarai ci gaban, yana mai cewa farashin ya karye ne sakamakon karancin bukatarsa, kuma za a samu rangwamen farashin a gidajen mai.