Farashin shinkafa, kwai, tumatir, doya sun tashi a watan Maris – NBS

Hukumar kididdiga ta kasa (NBS) ta ce farashin kayayyakin abinci da suka hada da: Shinkafa, Kwai, Tumatir da kuma Doya sun tashi a cikin watan jiya na Maris.

A cewar hukumar ta NBS farashin kayayyakin ya karu da akalla kaso ashirin da biyu da digo casa’in da biyar a watan na Maris wanda ya zarce kaso ashirin da daya da digo saba’in da tara a watan shekaran jiya Fabrariru.

A rahoton da hukumar kididdiga ta kasar ta fitar ta kuma ce farashin tumatir ya karu da kaso hudu da digo takwas.