Femi Gbajabiamila ya ki amincewa a kori Pantami daga minista

Shugaban majalisar wakilai Femi Gbajabiamila, ya ki amincewa da kudirin gaggawa da shugaban marasa rinjaye na majalisar wakilai, Ndudi Elumelu ya gabatar da ke neman ministan sadarwa da bunkasa fasahar tattalin arziki Dr Isa Ali Pantami da ya sauka daga kan  mukaminsa.

Tun farko dan majalisar daga jihar Delta Ndidi Elumelu y ace kasancewar ana zargin ministan da alaka da kungiyoyin ‘yan ta’adda akwai bukatar majalisar ta tursasashi ya sauka daga mukaminsa.

Sai dai shugaban majalisar Femi Gbajabiamila ya ki amincewa da bukatar hakan.