Connect with us

Kiwon Lafiya

Farfesa Yemi Osinbajo ya ce an wawushe dala biliyan uku tsakanin NNPC da wasu kamfanonin hakar mai

Published

on

Mataimakin shugaban kasa farfesa Yemi Osinbajo, ya ce; an wawushe dala biliyan uku cikin wata yarjejeniya da kamfanin mai na kasa NNPC ya yi da wasu kamfanonin hakar mai na kasashen ketare.

 

Da yake jawabi yayin wani taro da aka shirya domin tattauna halin da tattalin arzikin kasar nan ke ciki a Abuja, Osinbajo ya ce, lamarin ya fau ne a lokacin mulkin tsohon shugaban kasa Goodluck Jonathan.

 

Ya ce, abin takaici, a wata badakalar da aka yi daf da zaben shekarar dubu biyu da sha biyar, an wawushe naira biliyan dari, yayin da a hannu guda kuma aka sake kwashe wasu kudaden dala miliyan dari biyu da casa’in da biyar.

 

Farfesa Yemi Osinbajo, ya kuma ce; ga shugaba da ya samu jagorancin kasa da aka yi kaca-kaca da ita wajen wadaka da dukiyar al’ummarta, jajirtaccen shugaba bane kawai zai iya lallabata har ta kai halin da kasar nan ke ciki a yanzu.

 

Ya kara da cewa, gwamnatin su na iya kokarinta domin ganin ta samu nasarar farfado da tattalin arzikin kasar nan.

 

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 340,816 other subscribers.

Copyright © 2019. Freedom Radio Group. All Rights Reserved.

error: Content is protected !!