Fasahar kirkire-kirkire ka iya bunkasa tattalin arzikin Najeriya – Minista

Ministan kimiyya da fasaha da kuma kirkire-kirkire na Najeriya, Dakta Ogbonnaya Onu ya bukaci masu fasahar kirkire-kirkire dasu zage damtse don gina tattalin arzikin kasar nan ta hanyar amfani da kimiyya da Fasaha.

Onu yayi wannan kira ne yayin da yake gabatar da kyaututtuka ga fitattun masu baje kolin sababbin kirkire-kirkiren kimiyya da fasaha na shekarar 2021.

Ya kuma gargadi wadanda suka samu damar karbar kyaututtukan da suyi aiki tukuru don lalubo hanyoyin magance matsalolin da fannin na kimiyya da fasaha da kuma kirkire-kirkire ke fuskanta.