Freedom Rediyo wata makaranta ce mai zaman kanta – Ambasada Sani Bala

Tsohon Jakadan Najeriya a Amurka, dama wasu kasasshe, Ambasada Sani Bala ya bayyana gidan Radio Freedom a matsayin wata makaranta mai zaman kanta, da al’umma da dama suke amfana da ita wajen inganta rayuwar su.

Ambasada Sani Bala ya bayyana hakan ne ta cikin shirin BARKA DA HANTSI na nan freedom Radio, a cigaba da bukukuwan cika shekara sha bakwai da freedom radio ke yi da fara yada shirye-shirye.

Ya ce gidan Freedom na da ya daga cikin gidajen Radiyon da yake a gaba gaba, wajen kawo ci gaban al’umma a jihar nan, da ma kasa baki daya.

Ambasada Sani Bala yace shirin Barka da Hantsi da kuma duniyarmu a yau, da kuma shirin addini na kan gaba wajen ilmantar da al’umma.

Tsohon Jakadan Najeriya a Amurka, ya kuma bukaci ma’aiktan tashar dasu kara jajircewa akan ayyukan su domin yin wa tsara fintin kau.