Ganduje ya bai wa daliban CAS Tudunwada umarnin komawa CAS ta cikin birni don ci gaba da karatu

Gwamnatin jihar Kano ta umarci dalibai ‘yan kwalejin share fagen shiga jami’a da ke Tudunwada da su koma daukan darasi a kwalejin share fagen shiga jami’a ta CAS da ke nan cikin birnin Kano.

Shugaban kwalejin share fagen shiga jami’ar ta Tudunwada, Dr. Yusuf Musa Kibiya ne ya bayyana haka yayin zantawa da tashar freedom radio.

A cewar sa, daukar wannan mataki ya zama wajibi don bai wa daliban damar ci gaba da karatunsu, maimakon zama a gida.

A baya-bayan nan ne dai gwamnatin Kano ta dauki matakin rufe wasu makarantun gaba da sakandire ciki har da kwalejin share fagen shiga jami’ar ta Tudunwada sakamakon ci gaba sace dalibai da ke wakana a wasu jihohi da ke yankin arewa.