Ganduje ya gargadi al’ummar Kano kan kiyaye dokokin tsaftar muhalli

Gwamnatin jihar Kano ta bukaci al’umma jihar da su kiyaye karya dokokin da ta ke sanyawa a karshen kowanne wata da ake gudanar da tsaftar muhalli.

Kwamishinan muhalli na jihar Dakta Kabiru Ibrahim Getso ne ya bayyana hakan, ta cikin wata sanarwa da mai Magana da yawun ma’aikatar Abbas Habeeb Abbas ya sanyawa hannu.

A cewar sanarwar tana gargadin iyaye da su killace yaran su domin kuwa hukuma za ta dau mataki kan yaan da ke gudanar da wasanni akan titina lokacin da ake tsaka da tsaftar muhalli.

Kazalika ta cikin sanarwar ta gargadi matuka baburan adaidaita sahu da su guji gudanar da ayyukan su a lokacin tsaftar muhalli, domin kuwa kotun tafi da gidan ka za ta yanke musu hukunci nan take.