Kano-Gobara ta tashi sau 7

Wata gobara ta tashi har sau 7 a rana guda a wani gida dake unguwar Kofar Nasarawa bayan jami’ar Yusuf Maitama Sule.

A zantawar mu da wata Dattijiwa mai suna Hauwa Mai Kaji, ta ce jikan ta mai suna Muhammad wanda aka fi sani da Daddy shine ya tako Dan Aljannu a kan hanya a lokacin da yake guje-guje a ranar Juma’a wanda ya sha alwashi sai ya rama abin da yaron ya yi masu.

Ta kuma ce hatta katifar da suka kwanta sai da wuta ta tashi akai kuma komai na gidan ya kone.

Mun zanta da Daddy mai shekaru 10 ya ce kullum sai an daga shi sama a damafara shi a kasa sannan Kuma a dauke shi a Kai shi wani wuri inda yake gane-ganen Aljannu masu kaho.

Wakilin mu Tijjani Adamu ya rawaito  cewa yanzu haka wuta ta cinye kayan gidan baki daya inda mutane suke shiga zuwa jaje tare da rusa kukan ban tausayi.