Gwamnan Benue ya tsallake rijiya da baya, bayan harin ‘yan bindiga

‘Yan bindiga sun kai hari ga jerin gwanon motocin gwamnan jihar Benue Samuel Ortom a yau asabar.

Rahotanni sun ce lamarin ya faru ne a kauyen Tyo Mu, daidai titin da ya hada Makurdi zuwa Gboko.

Bayanai sun tabbatar da cewa gwamnan yana kan hanyar sa ce ta zuwa Makurdi lokacin da ‘yan bindigar suka budewa jerin gwanon motocin sa wuta.