Gwamnan Rivers: Ba zan taba goyon bayan takarar Jonathan ba

Gwamnan Jihar Rivers Nyesom Wike ya ce ba zai mara wa tsohon shugaban kasa Goodluck Jonathan baya ba, ko da kuwa zai samu tikitin tsayawa takarar shugabancin kasar nan a jam’iyya mai mulki ta APC a shekarar 2023.

“Ni dan jam’iyyar PDP ne a don haka zan goyi bayan Jonathan ne matukar ya tsaya takara a PDP, amma ba wai APC ba, domin ba zan juya wa PDP baya ba” in ji gwamna Wike.

“Shi da kansa Goodluck Jonathan ya san hali na, bana yin siyasar bangaranci, batu ake na jam’iyya ba wai kabilanci ko bangaranci ba” a cewar Nyesom Wike.